Rumannan,

Pa yega na un mihó komunikashon i por duna informashon na un grupo grandi di

koperadornan pastoral, partisipantenan den nos Plan Pastoral Diosesano,

spesialmente na otro isla, nos ta bai trata mas tantu posibel pa bai ku un tim di

vikario, kaminda ta nesesario asistente vikario. Esaki por tin un impakto mas profundo, ku kada bes un apart. Esei nos ta reserva pa ora e vikario tin un punto di mas ora, por ehèmpel un training òf algu spesial.

Pa e enkuentro riba e isla nos ta kombidá (via di pastornan) un delegashon mas grandi posibel di tur parokia pa amplia nos grupo di partisipantenan aktivo.

E sistema aki ta pa hisa efektividat di komunikashon di vikarionan ku islanan manera a keda pidi den Konferensia di Klero na Aruba.

Nos a presentá e idea aki na e tres saserdotenan na Boneiru ku a haña esaki un bon

idea.

E temanan pa e enkuentro den yanüari 2012 ta:

a. introdukshon i palabranan di stimulashon dor di mgr.

b. E dokumentu di instalashon i esun di vikarionan, informashon kòrtiku esensial. Tur hende ta tende e importansia di e komishon i di e trabou di vikarionan, asistente vikario i nan responsabilidatnan.

c. PPD II den su totalidat, partinan esensial den e dokumentu

d. Puntonan di vikarionan ku por ta presente

e. Atenshon spesial pa Konseho Pastoral Parokial i Konseho Finansiero Parokial, rekapitulashon i stimulashon

f. Tambe pa PMS, Pontifical Mission Societies

g. Nos ta klousura ku atenshon pa Evangelisashon Nobo.

E planifikashon pa Boneiru ta pa dia 20 di yanüari 2012 kaminda e delegashon ta bai banda di tres or i bini bek 10.45 òf si un hende ke keda drumi siguiente mainta, djasabra.

Pa yega na e fecha aki, nos a konsulta agènda di mgr. i di algun vikario i tabata difísil pa skohe un otro dia mirando otro kompromisonan pa tene kuenta ku entre otro bishita na Isla Ariba.

E intenshon ta pa start ku e enkuentro 18.15 i sera e reunion 21.30.

E ora ei nos tin 3 ora i un kuartu di ora na nos disposishon ku un pousa di 15 minüt.

Ta rekomendabel informá parokianonan di antemano ku misa e dia ei (si no tin remplasante) lo ta mainta òf 12.00 di mèrdia.

Nos ta spera ku mas tantu vikario posibel por ta presente, i kaminda tin e nesesidat tambe e asistente vikario. Kuminsamentu di yanuari nos ta tuma kontakto pa yega na konstelashon di e delegashon.

Ku saludo fraternal i deseo pa dianan di fiesta bendishona.

Erich
Sekretario General Plan Pastoral Diosesano 2012 – 2014